Today Maubin News Agency

ဧရာဝတီတိုင်းဒေသကြီး မအူပင်မြို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကိုယ်စားလှယ်လောင်းများသည် နိုဝင်ဘာလ (၁၁) ရက်နေ့ နံနက်ပိုင်းက အောင်ဟိတ်ကျေးရွာအနီးတဝိုက်ရှိ ဒေသခံပြည်သူများနှင့်တွေ့ဆုံခဲ့ကြကြောင်း သိရသည်။

"ဒီနေ့တော့ ကျွန်တော်တို့ မအူပင်မြို့နယ် အောင်ဟိတ်ကျေးရွာက ကျွန်တော့်ဆန်စက်ကလေးမှာ အဘဦးကံမြင့်သန်းဦးဆောင်တဲ့ ကျွန်တော်တို့ကိုယ်စားလှယ်လောင်းတွေနဲ့ အောင်ဟိတ်ကျေးရွာနဲ့ အနီးတဝိုက်ရွာတွေက ပြည်သူတွေ တွေ့ဆုံခဲ့ကြပါတယ်" ဟု အမျိုးသားလွှတ်တော်ကိုယ်စားလှယ်လောင်း ဦးအောင်ကျော်မင်း ၏ လူမှုကွန်ရက်စာမျက်နှာတွင် ဖော်ပြချက်အရ သိရသည်။

မအူပင်မြို့တွင် ၂၀၂၅ ခုနှစ် ဒီဇင်ဘာလတွင် စတင်ကျင်းပမည့် ပါတီစုံဒီမိုကရေစီရွေးကောက်ပွဲ၌ ပါတီပေါင်း (၈) ပါတီမှ ဝင်ရောက်ယှဉ်ပြိုင်ကြမည်ဖြစ်ကြောင်း သိရသည်။

ဧရာဝတီတိုင်းဒေသကြီး မအူပင်မြို့နှင့် ကျွဲဒုံးတိုက်နယ်သို့ ဆက်သွယ်ထားသည့် အောင်ဟိတ် - ဆိပ်သာ - ကျွဲဒုံးလမ်း ပြုပြင်ခြင်းအား နိုဝင်ဘာလ (၈) ရက်နေ့ နေ့လည်ပိုင်းက စတင်ကာ ဆောင်ရွက်နေကြောင်း သိရသည်။

"အောင်ဟိတ် - ဆိပ်သာ - ကျွဲဒုံးလမ်း ဘက်ဟိုးဖြင့် ကျင်းချိင့်များအား မြေသားဖို့ပြီး အောင်ဟိတ် ဆိပ်သာလမ်းပျက်စီးနေသည့် ကျင်း - ချိုင့်များအား မြေသားဖို့ပြီးလမ်းချောအောင်ပြုလုပ်၍ အများပြည်သူများ သွား/လာမှုအဆင်ပြေစေနိုင်ရန် ကျေးလက်ဒေသ ဒေသအကျိုးတော်ဆောင် ဦးမြစိုး KKB မှ ဘက်ဟိုးဖြင့် မြေညှိခြင်း ကျင်း၊ ချိုင့်များအား မြေသားဖို့ပေးခြင်းများ ပြုလုပ်ဆောင်ရွက်ပေးမည်ဖြစ်ကြောင်း သိရပါသည်" ဟု ဒေသခံတစ်ဦး၏ လူမှုကွန်ရက် စာမျက်နှာတွင် ဖော်ပြမှုအရ သိရသည်။

မအူပင်မြို့နှင့် ကျွဲဒုံးကျေးရွာသို့ ဆက်သွယ်ထားသည့် အောင်ဟိတ် - ဆိပ်သာ - ကျွဲဒုံးလမ်းသည် ကျေးရွာပေါင်းများစွာသို့ ဆက်သွယ်ထားသည့် အဓိက လမ်းမကြီးတစ်ခုဖြစ်ပြီး လယ်ယာထွက်သီးနှံများနှင့် ကိုင်းသီးနှံများ ထွက်ရှိရာဒေသများ၏ စီးပွားရေးနှင့် ကုန်စည်စီးဆင်းရေးအတွက် အဓိက လမ်းမကြီးတစ်ခုဖြစ်သလို ကျွဲဒုံးတိုက်နယ်နှင့် ဆက်စပ်သည့် ကျေးရွာများအတွက် ပညာရေး၊ ကျန်းမာရေး၊ လူမှုရေးလုပ်ငန်းများ မအူပင်မြို့နှင့် ချိတ်ဆက်လုပ်ဆောင်ရာတွင် အရေးပါသော လမ်းမကြီးတစ်ခုလည်းဖြစ်သည်။

ဧရာဝတီတိုင်းဒေသကြီး ၊ မအူပင်မြို့ အမှတ်(၁) အခြေခံပညာအထက်တန်းကျောင်း အနောက်ဖက်တွင် စည်းကမ်းမဲ့အမှိုက်ပစ်သူများကြောင့်ဖြစ်ပေါ်နေသော အမှိုက်ပုံအား ယနေ့အောက်တိုဘာ (၂၄)ရက်နေ့ နေ့လည်ပိုင်းက ကျောင်းအကျိုးတော်ဆောင်အဖွဲ့နှင့် မအူပင်မြို့နယ် စည်ပင်သာယာရေးကော်မတီတို့မှ ပူပေါင်းကာ ရှင်းလင်းမှုများလုပ်ဆောင်ခဲ့ကြကြောင်း သိရသည်။

" ကျောင်း အနီးမှာ စည်းကမ်းမဲ့စွန့်ပစ်ထားတဲ့အမှိုက်တွေကြောင့် ပတ်ဝန်းကျင် ကောလမ်းသွားလမ်းလာများနှင့် အ.ထ.က (၁) ကျောင်းမှာတက်နေသောခလေးတွေပါ နေ့တိုင်းလိုလိုအမှိုက်ပုံက ထွက်တဲ့ အနံဆိုးတွေကို ရူရှိုက်နေရတော့ ကျန်းမာရေးအတွက်လည်းမကောင်းဘူး ၊ ကျောင်းပုံရိပ်လည်းထိခိုက်တယ်.........ဒါကြောင့်အခုလိုစည်ပင်သာယာရေးကော်မတီနဲ့ပူပေါင်းပြီးသန့်ရှင်းစေဖို့လုပ်ဆောင်တာပါ........နောက်အမှိုက်ပြန်မစွန့်ပစ်အောင်လည်း သဲတွေပါခင်းထားခဲ့ပါတယ်"ဟု ကျောင်းအကျိုးတော်ဆောင်တစ်ဦးက Today Maubin News Agency သို့ပြောသည်။

အဆိုပါ အမှိုက်ပုံရှင်းလင်းခြင်းလုပ်ငန်းစဉ်သို့ ကျောင်းအကျိုးတော်ဆောင်အဖွဲ့နှင့်အတူ မအူပင်မြို့နယ် စည်ပင်သာယာရေးကော်မတီမှ သန့်ရှင်းရေလုပ်သားများက ပါဝင်ကူညီပေးခဲ့ြပြီး အမိူက် မပစ်ရ ဒဏ်ငွေ ၅၀၀၀၀ သတိပေးဆိုင်းဘုတ်ကို ပါစိုက်ထူပေးခဲ့ကြကြောင်းလည်းသိရသည်။

ဧရာဝတီတိုင်းဒေသကြီး မအူပင်မြို့နယ် ထန်းပင်ကွေ့အရှေ့ကျေးရွာအပါအဝင် ကျေးရွာများသို့ ဆက်သွယ်ထားသည့် ဆည်မြောင်းတာဘောင်လမ်းအား ကျေးလက်နေပြည်သူများမှ ကိုယ်ထူကိုယ်ထ ကွန်ကရစ်လမ်း ခင်းထားသော်လည်း ငါးကန်လုပ်ငန်းရှင်များ၏ ငါးကားများမှာ အဆမတန်ကုန်များတင်ဆောင်သွားလာမှုကြောင့် လမ်းများပျက်စီးကာ ကျေးလက်နေပြည်သူများ ခရီးသွားလာရခက်ခဲနေကြောင်း ဒေသခံပြည်သူတစ်ဦးက Today Maubin News Agency သတင်းဌာနသို့ပြောသည်။

"လမ်းက ကိုယ်ထူကိုယ်ထခင်းထားတာပါ.....အခုငါးကန်လုပ်ငန်းရှင်တွေရဲ့ ငါးကားတွေက စည်းကမ်းမဲ့ ကုန်ချိန်တင်မောင်းနှင်မှုကြောင့် လမ်းကပျက်သွားပြီ......သက်ဆိုင်ရာဌာနကိုတင်ပြတော့လည်း ဆည်မြောင်းတာဘောင်ဖြစ်လို့ ဘဂျတ်ကချက်ချင်းချပေးလို့မရသေးဘူး........အခက်အခဲကတော့လမ်းကသွားလို့မရတော့ဘူး ......ကားလေးဆိုတော်တော်ကြီးမောင်းလို့မရတော့တဲ့အခြေအနေဖြစ်သွားပြီ.......ဆိုင်ကယ်လည်းသွားဖို့အနေအထားတော်တော်ဆိုးသွားပြီ........."ဟု ဒေသခံတစ်ဦးက Today Maubin News Agency သတင်းဌာနသို့ပြောသည်။

အဆိုပါ ထန်းပင်ကွေ့အရှေ့ကျေးရွာရှိဆည်မြောင်းတာဘောင်သည် မအူပင်မြို့နှင့် သုံးခွကျွန်းကျေးရွာများသို့ဆက်သွယ်ပေးထားသည့် အဓိက လမ်းမကြီးဖြစ်ပြီး ပညာရေး ၊ ကျန်းမာရေး ကိစ္စရပ်များအတွက် အရေးပါသောလမ်းတစ်လမ်းလည်းဖြစ်သည်။

ဧရာဝတီတိုင်း၊ ဖျာပုံမြို့နယ်၊ ချောင်းတွင်းကျေးရွာအုပ်စုတွင် အောက်တိုဘာလ (၂၁)ရက်နေ့ နံနက်ပိုင်းကဆန်စက်ဘွိုင်လာအိုး ပေါက်ကွဲမှုဖြစ်စဉ် ကြောင့် မီး‌ လောင်မှု ဖြစ်ပွား ပြီး အမျိုးသားတစ်ဦးသေဆုံးကာ (၄)ဦး ဒါဏ်ရာရရှိခဲ့ ကြောင်းသိရသည်။

လက်ရှိမှာ သေဆုံးသူအမျိုးသားနဲ့ ထိခိုက်ဒဏ်ရာရသူ အမျိုးသားသုံးယောက်၊အမျိုးသမီးတယောက်ကို ဖျာပုံဆေးရုံကိုပို့ဆောင်ထားပြီး ထိခိုက်ဒဏ်ရာရရှိသူတွေကတော့ ဆန်စက်က ဖြစ်တယ်လို့သိရသည်။

အောက်တိုဘာ ၂၀ ရက်ကလည်း ဧရာဝတီတိုင်း ၊ဟင်္သာတမြို့နယ်က္ကယ်ပြင်အုပ်စု၊ပေါ်သစ်ကျေးရွာမှာ လေဆင်နှာမောင်းတိုက်ခတ်မှုကြောင့် နေအိမ်ပေါ် သစ်ပင်လဲကျပြီး သုံးလသားအရွယ် ကလေးငယ်တယောက်သေဆုံးမှုဖြစ်ပွားခဲ့‌ကြောင်းလည်းသိရသည်။

ဧရာဝတီတိုင်းဒသကြီး မအူပင်မြို့နယ်မလတ်တို ကျေးရွာအုပ်စုအဒိတ် ကျေးရွာ တွင်အောက်တိုဘာလ (၂၈)ရက်နေ့မနက်ပိုင်းက ပြုလုပ်သော ပြည်သူနှင့် တွေ့ဆုံပွဲတွင်မအူပင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှ အမျိုးသားလွှတ်တော်ကိုယ်စားလှယ်လောင်း ဦးအောင်ကျောင်းမှ "လုပ်ပိုင်ခွင့်ကို အလွဲသုံးစားပြုပြီး ဘယ်သူတစ်ဦးတစ်ယောက်ကိုမှ မညှစ်ဘူး မရစ်ဘူး အနိုင်မကျင့်ဘူး"လို့ ရွေးကောက်ပွဲ ကတိကဝတ်အဖြစ်ပြည်သူထံသို့ ပြောကြားခဲ့‌ ကြောင်းသိရသည်။

"သေခြာအာမခံနိုင်တာတစ်ခုကတော့ လုပ်ပိုင်ခွင့်ကို အလွဲသုံးစားပြုပြီး ဘယ်သူတစ်ဦးတစ်ယောက်ကိုမှ မညှစ်ဘူး မရစ်ဘူး အနိုင်မကျင့်ဘူးဆိုတာပါဘဲဗျာ"ဟု မအူပင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှ အမျိုးသားလွှတ်တော်ကိုယ်စားလှယ်လောင်း ဦးအောင်ကျောင်းမှ ပြောကြားခဲ့ခြင်းလည်းဖြစ်သည်။

အဆိုပါပြည်သူ့နှင့်တွေ့ဆုံပွဲသို့ မအူပင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှ ပြည်သူ့လွှတ်တော်ကိုယ်စားလှယ်ေလာင်း ဦးကံမြင့်သန်း ၊ အမျိုးလွှတ်တော်ကိုယ်စားလှယ်လောင်း ဦးအောင်ကျော်မင်း ၊ တိုင်းဒေသကြီးလွှတ်တော်ကိုယ်စားလှယ်လောင်းဦးစောသောင်းဒန် တို့နှင့်အတူ ပါတီမှ တာဝန်ရှိသူများ ၊ ပါတီဝင်များ ၊ ပြည်သူများတက်ရောက်ခဲ့ကြကြောင်းလည်းသိရသည်။

၂၀၂၆ ခုနှစ် ဇန်နဝါရီ ၁၁ ရက်တွင် မြို့နယ် ၁၀၀ ၌ ရွေးကောက်ပွဲ အပိုင်း ( ၂ )အားကျင်းပပြုလုပ်သွားမည်ဖြစ်ကြောင်းယနေ့(အောက်တိုဘာ ၂၈ ရက်)တွင် ပြည်ထောင်စုရွေးကောက်ပွဲကော်မရှင်က ထုတ်ပြန်ချက်အရ သိရသည်။

ပါတီစုံ ဒီမိုကရေစီအထွေထွေရွေးကောက်ပွဲ အပိုင်း ( ၂ )တွင် ပါဝင်မည့် မြို့နယ်များသည် ကချင်ပြည်နယ်မှ မချမ်းဘော၊ မိုးကောင်းနှင့် ဝိုင်းမော် မြို့နယ်၊ ကယားပြည်နယ်မှ ဒီးမော့ဆိုနှင့် ဖရူဆိုမြို့နယ်၊ ကရင်ပြည်နယ်မှ ဖာပွန်နှင့် လှိုင်းဘွဲ့မြို့နယ်၊ စစ်ကိုင်းတိုင်းဒေသကြီးရှိ ကလေးဝ၊်းကင်း၊ ဝန်းသို၊ ကျွန်းလှ၊ မြင်းမူ၊ ချောင်းဦး၊ စစ်ကိုင်း၊ ဘုတလင်၊ အရာတော်၊ ဖောင်းပြင်၊ မော်လိုက်နှင့် ရေဦးမြို့နယ်များ၊ တနင်္သာရီတိုင်းဒေသကြီးရှိ ရေဖြူ၊ ကျွန်းစုနှင့် တနင်္သာရီမြို့နယ်များ ပါဝင်သည်။

ထို့အပြင် ပဲခူးတိုင်းဒေသကြီးရှိ ဒိုက်ဦး၊ ရွှေကျင်၊ ထန်းတပင်၊ ရေတာရှည်၊ ဇီးကုန်း၊ ပေါင်းတည်၊ ကဝ၊ သနပ်ပင်၊ ပေါက်ခေါင်း၊ ပန်းတောင်း၊ မိုးညိုနှင့် မင်းလှမြို့နယ်များ၊ မကွေးတိုင်းဒေသကြီးရှိ ဂန့်ဂေါ၊ ဆိပ်ဖြူ၊ နတ်မောက်၊ မြို့သစ်၊ ငဖဲ၊ စလင်း၊ စေတုတ္တရာ၊ ကံမ၊ မင်းတုန်း၊ မင်းလှနှင့် ဆင်ပေါင်ဝဲမြို့နယ်များ၊ မန္တလေးတိုင်းဒေသကြီးရှိ စဉ့်ကိုင်၊ ကျောက်ပန်းတောင်း၊ တံတားဦး၊ ပြည်ကြီးတံခွန်၊ မဟာအောင်မြေ၊ ဝမ်းတွင်း၊ သာစည်၊ အမရပူရနှင့် မတ္တရာ မြို့နယ်များ၊ မွန်ပြည်နယ်ရှိ ဘီးလင်း၊ မုဒုံ၊ သံဖြူဇရပ်၊ ရေးနှင့် ပေါင် မြို့နယ်များ ပါဝင်သည်။

အလားတူ ရန်ကုန်တိုင်းဒေသကြီးရှိ ဗဟန်း၊ ပန်းဘဲတန်း၊ လသာ၊ ကော့မှူး၊ ကွမ်းခြံကုန်း၊ ဒဂုံမြို့သစ် (မြောက်ပိုင်း)၊ ဒေါပုံ၊ ပုဇွန်တောင်၊ လှိုင်၊ ရွှေပြည်သာ၊ ထန်းတပင်၊ လှည်းကူး၊ တောင်ဥက္ကလာပ၊ ကိုကိုးကျွန်း၊ ကြည့်မြင်တိုင်နှင့် အင်းစိန် စသည်မြို့နယ်များ၊ ရှမ်းပြည်နယ်ရှိ ရွာငံ၊ ဆီဆိုင်၊ ကလော၊ မိုင်းခတ်၊ မိုင်းပျဉ်း၊ မိုင်းဖြတ်၊ ရပ်စောက်၊ တန့်ယန်း၊ မိုင်းရယ်၊ ကွန်ဟိန်း၊ မိုင်းတုံ၊ မိုင်းယောင်း၊ မိုင်းယန်း၊ မိုင်းပန်၊ မောက်မယ်၊ မိုင်းကိုင်နှင့် လဲချား မြို့နယ်များ၊ ဧရာဝတီတိုင်းဒေသကြီးရှိ ကျောင်းကုန်း၊ ကန်ကြီးထောင့်၊ သာပေါင်း၊ ကျိုက်လတ်၊ ဧရာဝတီ၊ ဖျာပုံ၊ ဘိုကလေး၊ ပန်းတနော်၊ ဝါးခယ်မနှင့် အိမ်မဲ စသည်မြို့နယ်များလည်း ပါတီစုံဒီမိုကရေစီ အထွေထွေရွေးကောက်ပွဲ အပိုင်း( ၂ )တွင် ပါဝင်သည်။

ပြည်ထောင်စုရွေးကောက်ပွဲကော်မရှင်သည် ၂၀၂၅ ခုနှစ်၊ ဒီဇင်ဘာ ၂၈ ရက်တွင် စတင်ကျင်းပပြုလုပ်မည့် ပါတီစုံဒီမိုကရေစီအထွေထွေရွေးကောက်ပွဲ အပိုင်း( ၁ ) တွင် ပါဝင်သည့် မြို့နယ် ( ၁၀၂ ) မြို့နယ်ကို ၂၀၂၅ ခုနှစ်၊ ဩဂုတ် ၂၀ ရက်တွင် ကြေညာချက်အမှတ် (၅၆/၂၀၂၅) ဖြင့် သတ်မှတ်ကြေညာခဲ့ပြီး ဖြစ်သည်။

တောင်ကိုရီးယားနိုင်ငံမှာ ကျင်းပပြုလုပ်မည့် အာရှထိပ်သီးဆွေးနွေးပွဲ တစ်ခုရဲ့ သီခြားဆွေးနွေးပွဲမှာ အမေရိကန်သမ္မတ ဒေါ်နယ်ထရမ့် နှင့် တရုတ်သမ္မတ ရှီကျင့်ဖိန် တို့ တွေ့ဆုံမှာဖြစ်ကြောင်း အိမ်ဖြူတော်၏ အတည်ပြုထုတ်ပြန်ချက်အရ သိရသည်။

ရှီကျင့်ဖိန်နဲ့ထရမ့်တို့ တွေ့ဆုံဖို့ သီတင်းပတ်နဲ့ချီ ကြိုးပမ်းနေခဲ့ကြတာဖြစ်ပြီး ထရမ့်ဒုတိယအကြိမ် သမ္မတဖြစ်လာပြီး ယခုတွေ့ဆုံမှုဟာ သူတို့နှစ်ဦးဟာ ပထမအကြိမ်မျက်နှာချင်းဆိုင်တွေ့ဆုံမှုတစ်ခု ဖြစ်လာဖွယ်လည်းရှိသည်။

ယင်းသို့တွေ့ဆုံမည့် အကြောင်းကို အိမ်ဖြူတော်ပြန်ကြားရေးအရာရှိ ကယ်ရယ်လိုင်းလိဗစ် က သတင်းစာရှင်းလင်းပွဲမှာ အတည်ပြုပြောကြားခဲ့ပြီး ၎င်းတွေ့ဆုံမှုကို အောက်တိုဘာလ (၃၀)ရက်နေ့မှာတွေ့ဆုံသွားမှာလည်းဖြစ်သည်။

ပရီးမီးယားလိဂ်ပွဲစဉ်တွင် လီဗာပူးနှင့် မန်ချက်စတာ ယူနိုက်တက်တို့ ရင်ဆိုင်ကြုံခဲ့ရသည့် ပွဲစဉ်တစ်ခု ဖြစ်ပါသည်။

ပွဲစဉ်တွင် လီဗာပူးသည် ဦးစွာ ဂိုး ရသွားပြီး ၁-၀ ဖြင့် ရှေ့သို့ တက်ထားခဲ့သည်။ သို့သော် နောက်ပိုင်းတွင် မန်ချက်စတာ ယူနိုက်တက်က တုံ့ပြန်ပြီး နောက်ဆုံးတွင် ၂-၁ ဖြင့် အနိုင်ရရှိခဲ့သည်။

ပွဲစဉ်သည် အငြင်းပွားဖွယ်ရာ အချိန်တစ်ခု ဖြစ်ခဲ့ပြီး ပရီးမီးယားလိဂ်ပြိုင်ပွဲတွင် အကောင်းဆုံး ပွဲစဉ်များထဲမှ တစ်ခု အဖြစ် အသိအမှတ်ပြုခံရသည်။

ဧရာဝတီတိုင်းဒေသကြီး မအူပင်မြို့နယ် ကျွဲဒုံးကျေးရွာအုပ်စုရှိ ကမ်းသာယာအားကစားကွင်းတွင် အခြေခံပညာအထက်တန်း ၊ အလယ်တန်းအဆင့် ဘောလုံးပြိုင်ပွဲကို လာမယ့် နိုဝင်ဘာလ အတွင်းပြုလုပ်ကျင်းပသွားမည်ဖြစ်ကြောင်းသိရသည်။

"အခြေခံပညာကျောင်းပေါင်းစုံ ဖူဆယ်ဘောလုံးပြိုင်ပွဲ"ကို ကျွဲဒုံးတိုက်နယ် အတွင်းနှင့် ပါဝင်ယှဉ်ပြိုင်ကစားလိုသော ကျောင်းများမှအခြေခံပညာ အထက်တန်းဆင့်၊ အလယ်တန်းဆင့်ကျောင်းသားများ ဘောလုံးအားကစား စွမ်းရည် တိုးတက်မြင့်မားစေရန် တိုက်နယ်‌ဒေသဖွံ့ဖြိုးရေးအကျိုးဆောင် ဦးမြစိုးKKB မှ ဦးဆောင်ကျင်းပသွားမည်ဖြစ်ပြီး ပါဝင်ယှဉ်ပြိုင် ကစားလိုသော အခြေခံပညာ ကျောင်းများအနေဖြင့် အောက်တိုဘာလ (၃၀)ရက်နေ့ နောက်ဆုံးထား စာရင်းများ ပေးသွင်းနိုင်ပြီဖြစ်ကြောင်းလည်းသိရသည်။

ကျွဲဒုံးကျေးရွာ ကမ်းသာယာအားကစားကွင်းတွင် ၂၀၁၉ ခုနှစ် အောက်တိုဘာလ(၁၉)ရက်နေ့ကလည်း ယခုကဲ့သို့ အခြေခံပညာအထက်တန်းအလယ်တန်းအဆင့်ဘောလုံး ပြိုင်ပွဲများ ကျင်းပပေးခဲ့ဖူးကြောင်းလည်းသိရသည်။

အာရှအမျိုးသမီး U17 ခြေစစ်ပွဲတွင် မြန်မာနိုင်ငံအမျိုးသမီးဘောလုံးအသင်းသည် အင်ဒိုနီးရှားအသင်းကို ၁-၀ ဖြင့် အနိုင်ရရှိခဲ့ပြီး အားရကျေနပ်ဖွယ် ရလဒ်တစ်ခုရရှိခဲ့ပါသည်။

ပွဲစဉ်တွင် ရှင်းသန့်ဖြူစင်ပြုံး၏ ဂိုးသစ္စာရလဒ်ဖြင့် မြန်မာအသင်းက သမိုင်းတွင်သော အနိုင်ရရှိခဲ့ပြီး အသင်းဝင်များ၏ ပြည့်စုံသော စွမ်းဆောင်နိုင်မှုကို ပြသနိုင်ခဲ့သည်။

ဤအနိုင်သည် မြန်မာနိုင်ငံအမျိုးသမီးဘောလုံးအားကစားအတွက် အရေးပါသော ခြေလှမ်းတစ်ခုဖြစ်ပြီး အာရှအဆင့် ပြိုင်ပွဲများတွင် မြန်မာအသင်း၏ စွမ်းရည်ကိုြသခဲ့သည်။

တာဝန် ပေးတယ်...ဆိုတာ... ပေးအပ်တဲ့ တာဝန် ကို ရဲရဲဝံ့ဝံ့ ကျေပွန်အောင် ထမ်းဆောင်နိုင်သူကို ... တာဝန်ပေးမှ..... မှန်ကန်တဲ့ တာဝန်ပေးအပ်မူ ဖြစ်မှာပါ......။

နှစ်ကြာရှည်စွာ မေ့မျောနေတဲ့ ...နာရီကြီးတောင် ထအော် နေတယ်ဆိုတော့ ... အခြား ပြောစရာ မရှိတော့ပါဘူးးးး ။

ဒီ နာရီစင်နဲ့ပတ်သတ်ပြီး အကြိမ်ကြိမ် ဖေါ်ပြခဲ့ဖူးပါတယ်...။ ခေတ်အဆက်ဆက်... ဆေးလေးသုတ် လိုက် ပြန်အသက်သွင်းလိုက်နဲ့ အသက်ထွက်လု ထွက်ခင် နာရီစင်ဟာ... အားတင်ပြီး ကြုံးရုန်းထပေမယ့် မဟန်တော့တဲ့ အဆုံးးး

ဘယ်အချိန်ကြည့်ကြည့် အချိန်တစ်ခု အမြဲမှန်ဖို့ သူလက်တံတွေ မြှောက်ပြီး ... အသက်ငင်နေရာက အားယူ ဖေါ်ပြ နေရ ရှာပါတယ်....။

ခုတော့.... တက်တက်ကြွကြွ ဝမ်းသာအားရ သူ့အသံတွေ အော်ဟစ်ရင်း .... မြို့ လူထု ကို အချိန်မှန်‌မှန်‌ ဖေါ်ပြနေပါပြီ....။

ကြည်နူးစရာ ပါပဲ... ဝမ်းသာ ဂုဏ်ယူ မိပါတယ်...။

ကျနော်တို့မြို့ဟာ...ဗြုန်းကနဲ့ ..ကြည့်လိုက်ရင် တိုးတတ် ဖွံဖြိုးသာယာတယ်လို့ ထင်ရပေမယ့် ... တကယ်တမ်း သေခြာလေ့လာ ကြည့်ရင်... အများကြီး..လိုအပ်ချက်တွေ ရှိနေသေးပါတယ် ..။

မိုးကလေး တပြိုက် နှစ်ပြိုက် သဲသဲမဲမဲရွာလိုက်တာနဲ့...တစ်ပြိုင်နက် လမ်းပေါ်ရေတွေရောက် နေတာတွေ ....ရေနုတ်မြောင်းမရှိတဲ့အတွက် လျှံတက်လာတဲ့ အညစ်အကြေး တွေဟာ မိုးရေနဲ့အတူ လမ်းမပေါ်ကို ... ရောက်ရှိလာကြပါတော့တယ်...။

အမှိုက်တွေပစ်စရာနေရာမရှိလို့ ကြုံတဲ့ လစ်တဲ့ နေရာမှာပစ်ရင်း ... ကြီးထွားလာတဲ့ အမှိုက်ပုံတွေ က ခွေးဆွဲ.. နွားဆွဲရာက ... အနံ့မျိုးစုံနဲ့ ရူပ်ထွေးလို့ .. လမ်းမပေါ် ဗလပွ ရူပ်ပွလို့ နေကြပြန်တယ်...။

စည်းကမ်းမဲ့ နွားတွေ လမ်းပေါ်အိပ်လို့.... ကား ဆိုင်ကယ်..မောင်းနှင်းသူတွေ အက်စီးဒင့် ဖြစ်ပြီး ဆေးရုံ ရောက် ခဲ့ရတဲ့ အဖြစ်တွေ လည်း ရှိခဲ့ပါတယ်...။

မီးပွိုင့် အပျက်များလို့ ..ယဉ်မောင်းတွေ နားလည်မူလွဲရာက တစ်ယောက်နဲ့တစ်ယောက် မြို့လည်ခေါင်မှာ..အော်ဆဲ ရန်စောင်သံတွေ ... ကလည်းး ကျယ်လောင်နေပြန်တယ်...။

လမ်းဘေးဝဲယာ ခြုံနွယ်ပိတ်ပေါင်းတွေနဲ့ ရေမြောင်း‌ တွေ ပိတ်ဆို့လို့ မြောင်းရေကျန် အကြား ခြင်ပေါက်ဖွားမူများပြီ... "မအူပင် ခြင်ကိုက်တယ်" ဆိုတဲ့ ...စကားကလည်းး ခုချိန်ထိ အမြစ်တွယ် ကျန်ရစ်နေတုံး ပါပဲ....။

စသည်...စသည်..ဖြင့် ....အသေးစား ပျက်ဆီးမူ တွေ အများကြီး ရှိနေပါတယ်...။

ဒီလို အသေးအဖွဲ ဖြစ်ရပ်လေးတွေ က အစ သဘာဝ မကျတဲ့ ကျနော်တို့ မြို့မှာ ... အထာကျတာ တစ်ခုကတော့... မြို ရှောင်လမ်းက လမ်းမီးတိုင်တွေက... မြို့ကို တစ်ညီ တစ်ညွတ်ထဲ ..... .ဦးညွတ် အလေးပြု ( မီးတိုင်တွေ ယိုင်နဲ့ ) နေတာပါပဲ....။

ဒီလို ဖြစ်ရပ်တွေကို တမဟုတ်ခြင်း ပြုပြင်ဖို့ဆိုတာ ..မဖြစ်နိုင်ပါဘူးး။ အချိန်ယူ ပြုပြင်မူတွေနဲ့ ရေရှည် စီမံကိန်းတွေချ အကောင်အထည်ဖေါ်ဆောင်ရွက်မှသာ... အဆင်ပြေပြီးမြောက်မှာပါ ...ကောက်ရိုးမီး လုပ်လို့မရပါဘူးးး။

ဒီလိုအသေးဖွဲ တွေကအစ တိုးတတ် ပြောင်းလဲမူတွေဖြစ်လာဖို့ .... ကျနော်တို့ရှေ့မှာ မားမားမတ်မတ်ရပ်တည်ပြီး ကျနော်တို့ မြို့ဒေသ ဖွံဖြိုးတိုးတတ်ဖို့ အမှန်တကယ် အားထုတ်ကြိုးပမ်းလုပ်‌ ဆောင်မဲ့ သူတော့ တကယ် လိုအပ်‌ နေပါပြီ.....။

ကျနော်.... ကြားခဲ့ရတဲ့ စကား တစ်ခုကို တီးတိုးရည်ရွတ်ရင်... အဖန်ဖန် တလဲလဲ သုံးသပ် စဉ်းစား မိတာလေး .....တင်ပြပါရစေ...။

" ကျနော် ...ပြန်လာတာ...ကိုယ့်ဒေသ ဖွံ့ဖြိုးတိုးတတ်ဖို့ ဘယ်လို လုပ်ပေးရမလဲ ဆိုတဲ့ စိတ်နဲ့ လာတာပါ....…"

ဒီစကားစုကို ... လေ့လာ ကြည့်ရအောင်လားဗျာ....

သူ .... သူ့မြို့ ကို ပြန်ချင်တဲ့ ....ဆန္ဒ ဖြစ်နေတယ်... ။

ဘာအတွက်လဲ.... ကိုယ့် ဒေသ ဖွံဖြိုး တိုးတတ်ဖို့.....။

( လုပ်ပေးနိုင်တဲ့ အရည်အချင်း သူ့မှာ ရှိနေတယ်...)

" သူ့ရဲ့ စိတ်က ...ဘယ်လိုလုပ်ပေးရမလဲ... ဆိုတဲ့..... အာရုံ စူးစိုက်မူ ဖြစ်ပေါ်နေတယ်.... ။"

သူ့ဆီမှာ....ဒေသဖွံဖြိုးတိုးတတ်ဖို့ ... ပြင်းတန်တဲ့ ဆန္ဒ ဖြစ်ပေါ်ပြီး ... ဒါကိုပဲ... အာရုံ စူးစိုက်တဲ့ စိတ် ...နဲ့...အကောင်းဆုံးတွေ ပေးဆပ်ဖို့... အဆင်သင့် ဖြစ်နေပြီ ဆိုတဲ့ သဘော လို့ သုံးသပ်လေ့လာမိပါတယ်....။

ဒီလို .... ပြင်းထန်တဲ့ဆန္ဒ အာရုံစူးစိုက်တဲ့ စိတ်ရှိပြီး....အကောင်းဆုံးတွေ ပေးဆပ်ဖို့ တွေးတော ကြံဆကြိုးစားနေသူကို .... ဘယ်အရာမှ ပိတ်ပင်တားဆီးနိုင်မှာ မဟုတ်ပါဘူးး။

အောင်မြင်မူတွေရရှိပြီး....အောင်မြင်မှာပါ....။

( " လောက၌... ဆန္ဒ ပြင်းပြသော သူတို့အား မည်သည့်အရာမှ မတားဆီးနိင်ပေ..... ။" )

သူဟာ....မအူပင်သား အစစ်ဖြစ်လို့... အပြော မဟုတ်ပဲ.. လက်တွေ့လုပ်မဲ့သူလို့ ... ကျနော် တော့ အဲ့လို ယုံ ကြည် ထားပါတယ်....။

သူက မြို့အပေါ် ဘယ်လောက်ပင် စေတနာ ထား...ထား... ကိုယ့်ဒေသ ဖွံ့ဖြိုးတိုးတတ်ဖို့ ဘယ်လို လုပ်ပေး ရမလဲ ဆိုတဲ့ စိတ်နဲ့ ဘယ်လောက်ပင် ကြံစည် ကြိုကုတ် အားထုတ်နေသော်ငြားးး သူ့မှာ... လုပ်ပိုင်ခွင့်....စီမံပိုင်ခွင့် ရှိမှ.. ... သူ......လုပ်ပေးလိုရမှာပါ...။

သူ့မှာ လုပ်ပိုင်ခွင့်...စီမံပိုင်ခွင့် ရရှိဖို့ ဆိုတာ ကလည်းးး..... ကျနော်တို့ သူ့ ကို ရွေ ချယ် တာဝန်ပေးမှ ဖြစ်မှာပါ ..... ။

ဒီတော့..... ကိုယ့်မြို့...ကိုယ့်ဒေသ ဖွံ့ဖြိုးတိုးတတ်ဖို့ ..... မအူပင်မြို့ဖွာ....မအူပင်သား... သူ့ကို....လုပ်ပိုင်ခွင့်...စီမံပိုင်ခွင့်တွေ ရရှိဖို့... အတွက် ကျနော်တို့တွေ သူ့ကိုရွေချယ် ပြီး ... တာဝန် ပေးလိုက်ကြပါစို့........။

ကျနော် သူ့ကို မသိပါ....။

မြင်လည်း မမြင်ဖူးပါ......။

သူ့ နာမည်တော့ ကြားဖူးသည်။

သို့သော်...ဆက်စပ်မူ မရှိ ၍ ရင်းနှီးမူမရှိခဲ့ပါ.....။

သူနဲ့ကျနော် ပတ်သက်မူသည် ..... ဤ မျှလောက်သာ......။

Covid ပြီးကာလ.... တက္ကသိုလ်ဝင်တန်း စာမေးပွဲ တွေပြန်ဖြေရမယ့် အချိန် ဝင်ခွင့်ဖောင် တင်ဖို့ ခက်ခဲမူတွေရှိခဲ့ပါတယ် ....။

အဲ့အချိန်မှာပဲ.. တောမှာနေတဲ့ ကျနော့ သူငယ်ချင်းရဲ့ သား က လည်း စာမေးပွဲဖြေ ဆိုခွင့် ဖောင် တင်ဖို့ အရမ်းနောက်ကျနေလို့ အခက်အခဲ ဖြစ်နေတယ်။

ကျနော်လည်း မြို့နယ်ပညာ ရေးမူးရုံးကို သွားပြီး မေး တော့ ပိတ်သွာပြီ....တဲ့ ။

နောက်ဆုံး မြန်မာနိုင်ငံစာစစ်ဌာန ရန်ကုန် ကို သွာရတော့တာပေါ့။

ဟိုရောက်တော့ ........ရုံးထဲဝင်ပြီး သွားမေးတာ....ပိတ်သွာပြီ...တဲ့။ ဘယ်လို ဆက်လုပ်ရမယ် မသိ ဘူး။ ကိုယ်တွေက တောသားလေ...ယောင်လည်လည် ဖြစ်နေတာပေါ့....။

ရုံးရှေ့ ဆင်ဝင် အောက်မှာ ခဏ ရပ်ပြီး စဉ်းစာနေတုန်း ...... လူတစ်ယောက်က ရုံးထဲက ထွက်လာပြီး.....

" ဘာဖြစ်လို့....လဲ " လို့မေးတယ်။

"ဖောင်လာတင်တာ...ပိတ်သွားလို့ပါဗျာ..."

"ခင်များ တို့က ဘယ်ကလဲ..."

"မအူပင်က....ပါ။ "

" အော်... ကျနော်လည်း မအူပင်ကပဲ.....ခဏ စောင့်ဦးနော် ..." ဟု ဆိုကာ... ရုံးအတွင်းသို့ သူပြန်ဝင်သွားသည်.....။

ခဏအကြာ......ဖောင်တင်ခွင့်ရသွာပါတယ်...။ နုတ်ဆက်ဖို့ သူ့ကိုကြည့်တော့ ...မတွေ့ရတော့ ....သူ ဘယ်သူမှန်းမသိ ....။

နာမည်လည်းမမေးမိ...မအူပင်က ပါ ဆိုတာပဲ သိလိုက်ရတယ်...။

စိတ်ထဲ ကျေးဇူးတင်မိပါတယ်.....။

ဒီအကြောင်းကို ... ကျနော့ မိတ်ဆွေ kkb ကို ရင်ဖွင့်မိမှ...သူက..

" ခင်များ ကလည်း အဲ့ဒါ.... ဦးကံမြင့်သန်း ရဲ့ အကို ..... ဦးအောင်ချိုသန်း ...ပေါ့ ဗျ......"

" ဦးကံမြင့်သန်း ဆိုတာ ...ဘယ်သူလဲ..."

"မအူပင်သား . စစ်စစ်..... အ.ထ.က(၁) ကျောင်းသားဟောင်း ... နေပြည်တော် က အထင်ကရ မာရဝိစာရ ဘုရားကြီးကို ဦးဆောင် တည်သူ.... ပေါ့ ဗျာ......"

ကျနော် ခုမှပင် ...သူ့နာမည်..... ကြားဖူး တော့သည်....။

"ဟာ.... ဒီ လူ တွေ က မအူပင် သားဆိုတာနဲ့ ချက်ချင်းရအောင်ကူညီပေးတာနော်..."

" ခင်များ ကလည်း သူ့ညီ... ဦးကံမြင့်သန်း .... ဆို ပိုတောင် ကူညီသေးတယ်.... သဘော ကလည်း ကောင်းပါ့ဗျာ....။

အ.ထ.က( ၁) ကျောင်း ဘောလုံးကွင်းကြီးကို အုတ်တံတိုင်းခက်ဖို့ ငွေအား အကြံညဏ်အားနဲ့ ကူညီပေးခဲ့တာ...

ပြီးတော့ ....အောင်ဟိတ် -ဆိတ်သာ လမ်း ဖြစ်မြောက်ရေးအတွက် ကျိုးစား အားထုတ် နေတဲ့သူ ပေါ့ ဗျာ.........

စကားပြောတည်ငြိမ်သလောက် မအူပင် ကို အရမ်းချစ်တဲ့သူဗျ ... ကိုယ့်ဒေသ ကို မြတ်နိုးသူ ... ကိုယ့် ဒေသ. အပေါ် သံယောဇဉ် ကြီးသူပေါ့......"

" ပြောစမ်းပါ့ ဦး ဘယ်လို ဒေသကို မြတ်နိုးသူလဲ........"

ဒီလိုဗျ.......သူ ..ကျနော့ ကိုပြောဖူတယ်....။

" ကျနော် တာဝန် အကြီးကြီးတွေ ထမ်းဆောင် ခဲ့ပြီးပီ....

ကျနော့ ... အဖေ မြို့..........။

ကျနော့ တို့ နေတဲ့ မြို့... ။

ကျနော်တို့ ဒေသ.ကို..... တိုးတက်အောင် လုပ်ဖို့ပဲ ကျန်တော့တယ်....

ကျနော်တို့ ဒေသ တိုးတက်အောင် ကျနော် လုပ်ရမယ်....တဲ့ ..."

အဲ့လိုပြောတာ...ဗျ။

ကျုပ် ဖြင့်......သူ့ကို ကြည့်ပြီး ပီတိဖြစ်လိုက် ရတာဗျာ...."

ဒီလို ..... မြို့အပေါ် / ဒေသအပေါ် စွဲလန်းချစ်မြတ်နိုးသူ ..... မိမိ မြို့ ရွာ ဒေသ တိုးတက်ဖို့ အ ရေး အစဉ်တွေး.....နေသူ..... မိမိ မြို့ ရွာ ဒေသ ကို ချစ်မြတ်နိုးသူ ...... တန်ဖိုးထားသူ .... မိ မိ မြို့ရွာ ဒေသကို ကောင်းခြင်းတွေ ယူဆောင်ပေးမဲ့သူ...........

ထိုသူသည်.ကား..... ကျနော် ကြားဖူးသော လူ.... ဦးကံမြင့်သန်း...ပင်ဖြစ်ပေသည်....။

သူသည်..... ယခူရွေးကောက်ပွဲ တွင် ပြည်သူလွှတ်တော် နေရာမှ ဝင်ရောက် ရွေးချယ် ခံမည် ဆိုသော်...........................................

ဝါသနာဆိုတာ တားမရဘူး ဆိုတဲ့..... စကားက .. သိတ်မှန်တဲ့....စကားဗျ...။

ကျုပ်ဆို.... ငယ်ငယ်ထဲက ဆိုင်းသံကြားရင် မနေနိုင်ပေါင်ထဲမှာ ပါတာဗျ....။

ဆိုင်းသံကြားရင် ကို...က ချင်နေရော... မှတ်မိသေတယ် ရွာဦးကျောင်း အလှူပွဲမှာ ဆိုင်း ပါမယ် ဆိုပြီး မပါလို့ အသံချဲ့စက် ဖွင့်တဲ့ သရက်ပင်အောက်မှာ ကွေးနေအောင် ကို...ကတာ... မနက်စာ ထမင်းပါ ငတ်ရော ...။

ဒီလို....ဒီလို...... ကျနော့ ဝါသနာကို က....။

ခု အသက်ကလေးရလာတော့ .... ပတ်ဝန်းကျင်ကပို အဆင်ပြေလာတယ်.... ခေတ်မီ လာတယ်ပြောရမလား ကိုနေတဲ့မြို့ကလဲ ခရိုင်မြို့လေ... ။

ဒီ ရာသီ ( စတုဒီသာ/ကထိန် ) ပွဲနီးလာရင်.... ဝါးနဲ့ကျွဲခေါင်းပုံစံ ချိုးထားတဲ့ ကျွဲရုပ်ထဲ ဝင်ပြီးကတာပဲ... ... တကယ်လဲ ကလို့ကောင်းတယ်လေ.....။

လိုက်ထရက် ကား/ထော်လာဂျီ ပေါ်က ဆောင်းဘောက်က အသံကုန်ဖွင့်ထားတာ...ဆို တော့ ... တကယ်ကို မမောနိုင်ဘူး က လို့ကောင်းနေရော......။

ကျုပ်ဆို ခန ခန ...ဝင် ...ဝင်ပြီးကတာ.... ကျုပ်က .... စက်ဆရာကိုပြောထားတယ် လေ..... အသံကျယ်ပီး မြူးဖို့ပဲလိုတယ် လို့ ..... က ဖို့ ကြ ကျုပ်တာဝန်ထား......။

ဆေးရုံ ဆေးခန်း အရှေ့တို့ သက်ကြီးရွယ်အို အိမ်ရှေ့တို့... တရားရိပ်သာရှေ့တို့... ... ဘာတို့မသိဘူး အချိန်မတော်တာ တို့ ဘာတို့...ညာတို့ မသိဘူး တခြားအဖွဲ့က စက်သံထက် ပိုကျယ်ရင်ရပြီလို့... ပြောထားတာဗျ....။

ဟုတ်တယ်လေ..... ကျုပ်တို့အဖွဲ့ တစ်ဖွဲ့ထဲ မှ မဟုတ်တာ.... အခြား ကျွဲ အဖွဲ့တွေရော...တိုးနရား အဖွဲ့တွေရော အစုံ...အစုံ... ရှိတာဗျ.....ကျုပ်က ဘယ်အညံ့ ခံမလဲ....

စက်သံက...ကျယ်လေကောင်းလေ.... ကျယ်ကျယ်ဖွင့် မှ လူသိမှာပေါ့ဗျ....။ ဆောင်းဘောက် တောင် အားမရလို့...အသံချဲ့စက်ပါ တပ်ထားတာ ဗျ .... ရှင်းပလား

"ဘာလဲ...နားမခံနိုင်ဘူးလား ရွာပြင်ထွက်နေလိုက်ပေါ့...ကျုပ်တို့က..ကုသိုလ်ရေး လုပ်နေတာလေ...သိဘူးလား စိတ်မရှည်ချင်တော့ဘူး ပြောရတာ ...မောတယ်...။

အော်.... ဒါနဲ့.... ကျုပ်ဝါသနာက တားမရ လို့ ကျုပ်ဆက် ကလိုက်ဦးမယ်....ဗျို့..."

" ဝေ့......စက်ဆရာရေ့... စက်သံ အသံကုန်သာ ဖွင့် နော်....ဟို.....သီချင်းဖွင့်ဗျာ....."

" မကရဘူး လို့ ဘယ်သူက ပြောလဲ...."

"မမေားနိုင်ပါဘူး မပမ်းနိုင်ပါဘူး မြူးမြူးလို့ပျော်....... မြူးး မြူးး လိုပျော်........"

ပြောင် သနောင်...သနောင် နးးပလို့ချိ........။

စဉ်းစား တတ်သူတွေ သိကြပါတယ် ဘယ်သူ တွေက ဖွံဖြိုးတိုးတက်ရေး ဘာတွေဆောင်ရွက် ပေးလေမလဲ မျော်လင့် လို့ရတဲ့ အခြေအနေပါ

မြို့ပြ နဲ့ ကျေးလက် လမ်းပမ်းဆက်သွယ်ရေး တွေပို၍ ပို၍ ကောင်းမွန်လာရင် မြို့ ရဲ့ လမ်းဘေးကွမ်းယာ/ဆေးလိပ်ဆိုင်လေးကအစ စျေးရောင်းရပါတယ်

စားသောက်ဆိုင် - လူသုံးကုန် - စျေးသည်စကားနဲ့ပြောရရင် တောတက်ရင် စျေးရောင်းကောင်းတယ်လေ

ရွာကနေ မြို့ကိုလာဘို့ဆိုတာ လမ်းသာမှ လာလို့အဆင်ပြေကြမှာ ပါ

ကျေးလက် ရွာမှလူနာ မအူပင် ဆေးရုံကြီးကို အချိန်မှီ ရောက်ရေးသည် လမ်းကောင်းပါမှအသက်ရှင်ပါတယ် -

လမ်းဆိုး လမ်းပျက် သွားလာရေးခက်ခဲလို့ မသေသင့်ဘဲသေသွားကြသူတွေ အများကြီး ပါ

ဒါမျိုး တွေက တကယ်ကြုံ နေရတာ အခွင့် အလမ်းတွေ ကို ရရေးသည် မိမိ အခွင့်အရေး မဲပေးခွင့် ကို အသုံး ချရမှာ ဖြစ်ပါတယ် - မဲပေး ကြ မယ် လေ

ဖွံဖြိုး တဲ့ ဒေသတခု ဖြစ်လာရေး သည် ----- မေတ္တာ ပေး ရင် မေတ္တာပြန်ရပါတယ် -

မဲစာရင်း မှာ မိမိ အမည် စာရင်း ကို သွားကြည့်ကြပါလို့ တိုက်တွန်းပါတယ်

ဆန္ဒ မဲ ပေး ခွင့် ရှိသူတိုင်း ကိုယ့်ဒေသအရေး အတွက် ဆန္ဒ မဲ ပေးကြပါစို့ ။

ထီထိုး မှ သာ ထီပေါက်တဲ့ ခံစားခွင့် ကိုရမှာဖြစ်သလို ကိုယ့်ဒေသအရေး အတွက် ကိုယ့်မဲပေးခွင့်ကို ဆောင်ရွက် မှာသာ တာဝန်ကြေမှာပါ ။

လေးစားစွာဖြင့် သစ္စာ မအူပင်